جیهانی
ئەنجامە بەراییەکانی هەڵبژاردنەکەی تورکیا ئاشکرا کرا‌
  10/06/2015
  901

کۆمیسیۆنى باڵاى هەڵبژاردنەکانى تورکیا، ئەنجامە بەراییەکانى هەڵبژاردنى ٧ی مانگی پەرلەمانی تورکیای بڵاوکردەوە و ئاشکرایکرد لە هەڵبژاردنەکەدا ٤٧ ملیۆن و ٥٠٧ هەزار و ٣٨٩ هاووڵاتى  دەنگیانداوە.

ڕاشیگەیاند، ٤٦ ملیۆن ١٦١ هەزار و ٤٩ دەنگ بە تەواوەتى جیاکراوەتەوە و ملیۆنێک ٣٤٦ هەزار و ٣٤٠ دەنگ هێشتا جیا نەکراوەتەوە و ڕێژەى بەشداریکردنى هاووڵاتییان ٨٣.٩٢% بووە.

بە پێی ئەنجامە بەراییەکان، ١٨ ملیۆن و ٨٦٣ هەزار و ٨٣٢ کەس دەنگیان بە پارتى دادو گەشەپێدان داوە و ڕێژەى ٤٠.٨٧%ى دەنگدەرانى تورکیاى بەدەستهێناوە و بووە بە پارتى یەکەم لە ئاستى تورکیادا.

١١ ملیۆن و ٥١٨ کەس دەنگیان بە  (جەهەپە) داوە و ئەو حزبە ڕێژەى ٢٤.٩٥% دەنگى دەنگدەرانى بەدەستهێناوە و بووە بە پارتى دووەم لەسەر ئاستى تورکیادا. حەوت ملیۆن و ٥١٩ هەزار و ١٠٣ کەسیش دەنگیان بە پارتى نەتەوەپەرست (مەهەپە)داوە و ئەو حزبەش ڕێژەى ١٦.٢٩%ى دەنگەکانى بەدەستهێناو لە ئاستى تورکیادا بووە بە حزبى سێیەم.

ئەوەشخراوەتەڕوو، ٦ ملیۆن و ٥٨ هەزار و ١٥٠ کەسیش دەنگیان بە پارتى دیموکراتیکى گەلان (هەدەپە)داوە و ئەو حزبە ڕێژەى ١٣.١٢% دەنگەکانى بەدەستهێناوە.

زیاتر ...
په‌ڕه‌یله‌ 8
ژماره‌ی بابه‌ت