کوردستانی
گردبونەوە نارەزایەكەی ئافرەتانی هەولێر‌
  01/06/2017
  575
گردبونەوە نارەزایەكەی ئافرەتانی هەولێر تايبةت بة ئاذانسى هةوالَى طةشة بۆ یەكەمین جارە لە هەولێری پایتەخت گردبوونەوەیەكی ناڕەزایی لەلایەن ئافرەتانی گەڕەكی كوردستان دژ بە بڕیاری لادان و قەدەغەكردن بانگخواز و زانای بناوبانگی شاری هەولێر دكتۆر عبداللە نیاز رۆژبەیانی برای دكتۆر محمد بازیانی دامەزرێنەری بزاڤی چاكسازی و گەشە بەرپا دەبێت . ئەم گردبوونەوەیە سەرەتا لەبەردەم بەڕێوەبەرایەتی گشتی ئەوقاف سازكرا پاشان بەرەو وەزارەتی ئەوقاف و بەرلەمان بەڕێوە چوو . ئەو ئافرەتانە داوایان لە دەسەڵاتدارانی هەولێر دەكرد بەتایبەتی وەزارەتی ئەوقاف كە دەست هەڵگرێ‌لە لادان و دەركردن و قەدەغەكردنی ووتاربێژە دلسۆزەكانی هەولێر . شایانی باسە وەك هەواڵێك كە بەدەست ئاژانسی هەواڵی گەشە گەیشتوە ئەنجومەنی شارەوانی هەولێر لە هەوڵی ئەوەدایە كە چارەسەرێك بۆ ئەو پێشێلكاریانە بدۆزێتەوە كە دەرهەق مامۆستایانی ئاینی دەكرێت بەتایبەت لەم مانگی رەمەزانی پیرۆزەدا، لەكاتێكدا دوژمنانی ئەزمونی كوردستان لە پیلانگێڕین و دەیانەوێت ئەم ئەزمونی كوردستانە تێك بدەن و كوردستانیش وەك ناوچە سوونیەكان وێران كەن و بە ئاشكراش هەرەشەی بەكارهینانی سەربازی دەكەن. ئەم گردبوونەوەیە بە وەرچەرخانێك لە خەباتی ئافرەتان هەژماردەكرێت ، بەس ئافرەتان پێی هەڵساون پاش ئەوەی بێئومێد بوونە لە پیاوان وەك لە گردبوونەوەكەدا ئاماژەیان پبَكرد. شایانی ئاماژە بۆ كردنە دەستخۆشیە دەزگا ئەمنیەكان بەوپەری مەسئولیەتەوە زۆر بە هێمنانە مامەڵەیان لەگەڵ ئەم گردبوونەوەیەدا كرد. هەندێك لە چاودێران وا چاوەنوار دەكەن كە ئەو مامۆستایانە بگەڕێنەوە سەر ووتارەكانیان و وەزعەكە زیاتر اڵۆز نەبێت و نەیارانی كوردستان درز نەخەنە ناو هاوڵاتیانی كوردستان بەتایبەت مامۆستایانی ئاینی و حكومەت. هەروەها لەسەرچاوەیەكەوە ئاگاداری ئاژانسی گەشە كراوە كە ئەنجومەنی شارەوانی هەولێر لە هەوڵی ئەوەدایە ئەو مامۆستایانەبگەڕێنەوە سەر ووتارەكانیان وەك دەوترێت  دكتۆر عبدالله نیاز بۆ ئەو مەبەستە بانگێشتی ئەو دانیشتنە دەكریت بە مەبەستی كەمكردنەوەی نارەزایەكان كە رۆژ دوا رۆژ لە هەولێر زیاتر دەبیت.

زیاتر ...
په‌ڕه‌یله‌ 8
ژماره‌ی بابه‌ت