کوردستانی
رێكخەری گشتی بزاڤی چاكسازی و گەشە پێشوازی لە بەڕێز ئەمیری كۆمەڵی ئیسلامی و شاندی یاوەری كرد‌
  06/02/2017
  637
رێكخەری گشتی بزاڤی چاكسازی و گەشە پێشوازی لە بەڕێز ئەمیری كۆمەڵی ئیسلامی و شاندی یاوەری كرد

ئەمڕۆ 5/2/2017 دكتۆر محمد بازیانی رێكخەری گشتی بزاڤی چاكسازی و گەشە لە نوسینگەی تایبەتی خۆی لە هەولێر پێشوازی لە بەڕێز مامۆستا عەلی باپیر ئەمیری كۆمەڵی ئیسلامی و شاندی یاوەری كرد.
لە دانیشتنێكی برایانەدا پاش بەخێرهاتنیان بەڕێز ئەمیری كۆمەڵ ئاماژەی بە پەیوەندی دیرینی لەگەڵ رێكخەری گشتی بزاڤی چاكسازی و گەشە كرد و تیشكی خستە سەر پرۆژەی نزیكبوونەوەی حاڵەتی ئیسلامی لە كوردستاندا كە ئامانج رەزامەنی خوای گەورەیەو پاشان كۆكردنەوەی ووزەو توانای ئیسلامخوازانی كوردستانه بۆ خزمەت بە دین و ژینی هاوڵاتیانی كوردستان و پرۆژەی حاڵەتی ئیسلامی پرۆژەی حیزبی ئیسلامی نیە بەلكو حاڵەتی ئیسلامیە كە لە حزبە ئیسلامیەكان و لایەن و رێكخراو و كەسایەتی ئیسلامی دەرەوەی حیزبی ئیسلامی و بانگخوازان و هەوادارانی ئیسلامه.
بەڕێز دكتۆر محمد بازیانیش دەستخۆشی لە مامۆستا عەلی باپیر كرد كە هیمەتی گەورەی هەیە بۆ سەرخستنی پرۆژەكە و هەوڵ و كۆششەكانی جێگای خۆشحاڵی ئیسلامخوازانە و ئامادەیی بەڕێزیان و ئەنجومەنی باڵای نیشتمانی بزاڤ و و ئەندامان و لایەنگرانی دەربڕی بۆ سەرخستنی پرۆژەكە و لە دانیشتنی ئەنجومەنی نیشتمانی و راپرسیەكانی ئەندامان بە زۆرینەی لەگەل پرۆژەكەدان.. پاشان تیشكی خستە سەر پرۆژەی ئەكتیڤكردنی حاڵەتی ئیسلامی كە لەلایەن دەستەی پرۆژەكانی بزاڤەوە ئامادەكراوە.

نوسینگە رێكخەری گشتی بزاڤی چاكسازی و گەشە

زیاتر ...
په‌ڕه‌یله‌ 8
ژماره‌ی بابه‌ت